連日黎見到好多HK飯都有揾到Yuya超多褔利...所以我地決定...去接機~~~~~
知道Yuya今日返日本所以走去機場等. 一路等一路超緊張...又怕有太多飯係機場...又怕見到Yuya唔知講咩...又怕接唔到....總之壓力大到爆...
我地周圍望只係見到2個似係黎接機既飯.
時間差不多班機到着...我地重緊張左...等左30分鐘重未見Yuya出閘...開始擔心佢會唔會有其他出口出. 應該就唔會掛 ~_~
等到40分鐘個看版轉左status原來依家先開始做出關手續. 過左一陣就見到Yuya同佢既朋友出黎~~~本來諗住等佢行出D先行埋去. 點知有個飯已經沖左埋去, 咁我地都只好過去. Yuya個朋友好利害! 我地行埋去既時候離遠佢已經望實我地. 我地埋到去見個個女仔好驚咁同Yuya講左句野,之後比左袋禮物咁既野Yuya (後尾知個女仔係台灣人黎日本旅行). Yuya都好好收左~~但係見Yuya有d不便..因為佢自己都多行李. 之後我同Yuya講話我地係香港黎想同佢握手, 佢話可以哦.佢話企係呢到會左住人行去旁邊會好d. 我當然話好啦! 唔知點解變左Yuya既朋友行前面, 我同Yuya一齊行, 個台灣女仔就同我朋友一齊係後面. 我個腦完全空白...都唔知同Yuya講咩好...好勉強問佢“香港旅行開心嗎?”Yuya: 好開心哦~
之後我都唔知講咩好. 突然Yuya話呢到ok啦~~我地行到中間一旁冇乜人既地方. 由於佢朋友係行係前面所以唔知我地停左, 所以Yuya叫一叫佢朋友. 佢朋友話睇一睇坐車既地方. 個台灣女仔可能唔識講日文...佢企得好遠...朋友又企係對住Yuya遠小小既地方. 搞到全程我一個人同Yuya講野咁...手都振埋...我自己都忍唔住講左句我好緊張.. >-<
...之後呢一part要skip....因為Yuya叫左我要保密...佢同我講左2次, 我應承左. 其實只係好普通既野~
Yuya好好, 有d野佢做唔到會再同我地好好解釋. 佢一D都唔似其他大名星咁~超親民. 呢個都係我最鐘意Yuya既地方~
順便一提, Yuya應該係因為自己最近鐘意玩油指甲, 佢係咁望住我d手甲...(因為我做左閃閃gel甲>-<) 重有就係飾物...可能我帶同佢一樣既CAPANA手鐲. 我朋友都話Yuya由頭scan到我落腳. 最搞笑係Yuya都幾唔會避~我打開手袋拎野比佢既時候, 佢一路望實, 睇哂我手袋入面所有既野... -_-”好彩我個袋入面尚算整齊...全部用品都係粉紅色. 唔係實尷尬死! 最後我地同Yuya握手 bye bye, 係咁佢就走左啦~
超開心~~Yuya把聲超好聽. 但係有小小沙沙地~唔知係咪因為坐左幾個鐘機又玩左幾日既關係呢. 其實好奇怪..佢又帶黑超, 頭髮又白金~但係機場居然冇人認得佢.
佢走左一陣之後我同朋友都落一層坐express, 點知就見到Yuya同佢朋友係到買緊express飛. 佢地應該都見到我地, 回頭望左眼. 我地都冇行埋去, 諗住快快手手買飛先. 怕佢地走左冇得睇多幾眼,點知買完佢地重未搞掂...明明架機都好易用架 -_-”
Yuya買飛超慢...咁簡單既機都搞咁耐...我地後來冇理自己入左閘先. 過左一陣先見佢地買好飛落黎. 佢地2個人揀左最後個卡車坐~ 我地就前佢3卡.
上左車之後同朋友超high~~~我地覺得頭先有好多野未同佢講...所以諗住落車再同佢講埋就走.架車到站, 我地行去最後個個出口. 我地見佢2個未落車重以為佢地可能下個站先落車. 係呢個時候佢地就落車啦~佢地真係等人地走哂先落車. 由於冇乜人坐express, 一陣間就已經冇哂人. 我地超驚但係都行埋去..Yuya朋友一見到我地“呀~”左聲. 我地就係到笑, 唔知點開聲好...剛剛明明諗好哂要講d咩...一見到生人想講既說話又全飛...Yuya見我地冇講野佢就上電梯. 佢都幾狼狽一隻大喼, 一隻細喼再加一袋duty free. 見佢好難行咁! 就咁跟佢地上左2層...見唔係辦法. 朋友仔鼓起勇氣走上去叫Yuya (真係唔係自己主擔先會放擔D...我都唔夠擔上前), 佢一沖上去講個句日文亂哂龍...Yuya: ha?...
我同Yuya既朋友就係後面笑...(對不起..我地冇心架..) 之後朋友就入正題同Yuya講最喜歡現在的NEWS. Yuya: 我明白~~
咁到我同Yuya講NEWS 10週年快樂. Yuya: 謝謝~
之後我地2個再同Yuya講我地等待箸TM既4TH TOUR! Yuya話OK!
其實一路都係坐緊自動電梯講野 (企位係Yuya, 佢朋友, 我, 我朋友).
所以Yuya成日要望返上去睇下到未, 所以問題都係好簡短.
最後我地講哂要講既野, 上到中個層我地就走啦. 佢朋友望過黎我鞠左個躬就咁就走. 佢地就再上地面~~Yuya拎行李真係好狼狽...同埋上到上層開始多人所以我地冇再特別叫佢. 怕佢比人認到~我地就咁就走啦.
今日接機report大約係咁. 一句講哂~~Yuya同佢朋友都超nice!!! ^^
留言列表
