今日又係滿滿既行程~~
由於有好多朋友睇JUMP過左黎日本.
所以今日全部一齊去等慶ちゃんnewsevery.
當然我們家leader一如以往~揮手揮手再揮手啦.
之後我地一行7人就去左媽媽到食拉麵.
一去到大驚喜! 見到有個大花牌係門口~
原來係慶ちゃん送比媽媽母親節既禮物 ^^
今日話哂都係NEWS既結成日, 本來諗住應該都好多人.
點知去到冇乜人. 媽媽叫我地自己鐘意坐邊都可以.
我地就坐左入面最後個2張枱.
大家叫左野食之後就影下相傾下計咁.
我坐個位超有壓力…打横望到媽媽….媽媽又成日望出黎… -_-“
後來媽媽煮完麵得閒D行左出黎.
佢主動問我係邊到黎~嚇左我一跳!
我話香港~之後媽媽話佢都去過香港~
香港有好多美食咁~我地諗住同媽媽傾開計.
依家係送禮物比佢既最好時機.
點知媽媽行返入廚房….
過左一陣媽媽做完野~
佢拎左部手機出黎, 比左張BB相個staff睇.
媽媽個位好近我地. 我地完全覺得媽媽其實係到引誘我地>_<
後來見媽媽出左去外面影慶ちゃん送比佢個花牌.
我地覺得呢個係最好既時機送禮.
當媽媽返入黎, 我地叫住佢, 朋友仔同佢講呢份係送比ミキママ既禮物~
媽媽問可唔可以打開. (當然冇問題啦, 入面係朋友仔買既BB衫)
媽媽打開後超高興, 係咁話好得意. (件BB套裝又真係超得意架, 朋友仔GOOD JOB!)
之後媽媽一件件咁拎出黎排好係枱, 重係咁影相.
媽媽一邊影相, 一邊用line sent左d相出去.
我地估計佢係send比姐姐 XDDD
媽媽比左幾張BB相我地睇~BB女超可愛. 面圓圓咁~
之後媽媽一邊同我地講野重一邊玩LINE. (估計係同姐姐)
唔知點解我地問起, 慶ちゃん係咪今日送個花牌過黎.
媽媽話係~個花牌今日下午送黎.
之後我地話慶ちゃん遲左送?
媽媽就講返話佢昨天去左睇BB女~~舖頭昨天係定休所以唔開.
花牌今日先可以收. 我地全部先~~ “係wor~”
(媽媽好好, 唔想我地誤會慶ちゃん~)
之後我地問媽媽, 慶ちゃん見左BB未. 媽媽話重未~
我地: 咁又係, 慶ちゃん最近工作好忙
(其實媽媽一邊講一邊間唔中同人send line, 對方回覆重超快)
媽媽突然話同我地影張相. 當然冇問題啦~~非常樂意!
估計都係send比手機中人睇~ (媽媽手機入面有我地既照片, 超榮幸!)
話題又去返媽媽上次去香港. 佢話個次咁啱同Mariah Carey同時到 港~
見到咁多記者嚇一跳~佢話對方果然係大明星.
朋友好厲害! 立即話慶ちゃん都係~
媽媽立即吐槽話佢邊係呀~我地話慶ちゃん係見媽媽笑得好開心.
之後我地同媽媽講我地今日去左電視台睇every.直播見慶ちゃん～
我地話慶ちゃん好有型~
媽媽“邊係呀~”
但係見媽媽笑得超開心~
媽媽係好應該自豪架, 慶ちゃん咁好 ^^
之後比埋其他手信媽媽之後, 媽媽就返左入去做野啦.
坐到差唔多我地埋單走媽媽都有同我地講多謝同拜拜.
我地出到門口又影個花牌~搞左陣.
咁啱媽媽出黎拎食材見到~~重笑笑叫我地どうぞ～ XDDD
媽媽真係超nice~~比起我之前個次見佢.
佢後生左又靚左~
下次要再齊人去揾媽媽 ^^
留言列表
